Pak ditë më parë, këngëtarja Greta Koçi e ka mohuar lajmin për dorëheqjen nga posti e nënkryetares së Forumit Rinor të Partisë Demokratike.

Por, në fakt, vajza jo vetëm nuk është larguar nga ky post, por si duket po e ndien veten shumë mirë, madje është bërë më elegante, duke u marrë me këtë punë.Siç e shihni edhe në këtë foto, këngëtarja është tëholluar më tepër, duke i dhënë mundësi që ajo të duket më në formë, aty ky është edhe meraku i vajzave artiste

Irani ka kërcënuar motorin e kërkimit “Google” me ndjekje ligjore për heqjen e referencës së Gjirit Persik nga hartat e tij.

Zëdhënësi i Ministrisë së Jashtme të Iranit, Ramin Mehmanparast, deklaroi se nëse “Google” nuk do të rikthejë këtë emërtimit në detin që e ndan atë nga Arabia Saudite, atëherë do të përballet me “pasoja serioze”.

Ai konfirmoi se Teherani zyrtar është vendosur ndërkohë në kontakt me “Google”, për ta informuar rreth qëndrimit të tij.

”Sulmi nëpërmjet teknologjive të reja kompiuterike në çështje politike me rëndësi për rajonin është “moda” e re e lëshuar nga miqtë e Iranit. Këtë herë, i ka takuar “Google” të shndërrohet në pjesë e lojës së kundërshtarëve tanë”, tha Mehmanparast.

Nga ana e tij, “Google”u përgjigj duke thënë se asnjëherë nuk e ka emërtuar Gjirin Persik, prandaj nuk mund të akuzohet për ndryshimin e emrit.

Irani është veçanërisht i ndjeshëm rreth mënyrës se si quhet ujrat përtej Ngushticës së Hormuzit.

Historikisht, ka ekzistuar emri Gjiri Persik, por shumë vende arabe kanë filluar ta quajnë Gjiri Arabik. Si pasardhësi direkt i Persisë së lashtë, Teherani e konsideron një ofendim për kulturën e tij emërtimin e ndryshëm.

Vincent Oketch eshte nje femije qe jeton ne Ugande dhe vuan nga nje semundje shume e rralle. Per shkak te semundjes kembet e tij jane shume te medha, pothuajse si te nje elefanti, ne fakt.

Qe kur ishte 18 muajsh, tregon babai, kembet e tij filluan te rriteshin ne menyre drastike. Femija tani eshte 10 vjec dhe e vetmja menyre per t’I shpetuar jeten, do te ishte qe t’ia presin kembet.

Isaac Osire, doktori qe drejton nje organizate te quajtur EDYAC, I ka bere nje apel mjekeve eksperte britanike, derisa te nderhyne per te ndihmuar dhe shpetuar Vincent.

Personat të cilët kapen nga policia duke shkruar mesazhe derisa ecin në qytetin Fort Lee, New Jersey (USA), do të paguajë një gjobë.

Ligji i ri u miratua për shkak të rritjes së numrit të aksidenteve në të cilën këmbësorët janë vrarë për shkak se ata kalonin rrugën aty ku nuk duhet, apo nuk i kushtojë vëmendje trafikut, ndërsa kalojnë rrugën.

Policia në Fort Lee, tha se këmbësorët janë të ekspozuar vazhdimisht rrezikut sepse ata nuk i kushtojnë vëmendje trafikut, raporton Sky News.

Policia ka shtuar numrin e patrullave të cilat kërkojnë udhëtarët e “rrezikshëm” që nuk respektojnë rregullat. Ajo ka ndarë edhe pamflete me shpalljen e ligjit të ri.

”Sms u tërheq vëmendjen. Këmbësorët nuk shikojnë se ku shkojnë. Nuk janë në dijeni të mjedisit të tyre”, tha Thomas Ripoli, shefi i policisë në Fort Lee.

Qëllimi i çdo vizitkarte biznesi është të jetë tërheqëse dhe të ketë të dhëna themelore të pronarit.

Agjencia kreative “Murmure” ka ardhë deri te ideja për të bërë një vizitkartë nga betoni, i cili për shkak të peshës së tij, gjithmonë do të ju kujtoj një partner biznesi.

Ndërsa karta tradicionale e biznesit shpejt humbasin apo të dhënat e tyre fshihen  përfundimisht, ajo nuk mund të ndodhë me kartat e bërë prej betoni të pastër.

Siç pohojnë nga agjencia “Murmure”, ju nuk mund të  bartni atë në portofolin tuaj siç është rasti me vizitkartat e tjera.

Dizajneri frëng i ekipit bëri një gamë të veçantë, megjithatë, çështja është nëse biznesmeni do të mund të bartë gjatë gjithë ditës pesë vizitkarta të tilla në xhepin e tij.

Pikërisht si peshkaqeni Lenny, në filmin 3D “Shark’s Tale”, që heq dorë nga mishi për t’u bërë një peshk “civil”, në Birmingam të Anglisë jeton një peshkaqen tërësisht vegjetarian që quhet Florence.

Florence injoron tërësisht peshqit dhe copat e mishit që hidhen në akuariumin e tij në National Sea Life Center, për t’u vërsulur drejt lakrave dhe kastravecëve.

Historia është publikuar në tabloidin “The Sun”, që tregon se peshkaqeni ka nisur të sillet si vegjetarian kur në vaskën e tij ishte hedhur gabimisht sallatë jeshile, e destinuar për një breshkë.

Personeli i qendrës, i shqetësuar për shëndetin e Florence, ka filluar të fshehë mishin e grirë mes jeshillëqeve për të ringjallur shpirtin mishngrënës të kafshës, por nuk ka pasur sukses. Florence vazhdon të orientojë preferencat e saj drejt gjithçka që është vegjetale.

SHBA – Një makinë elegante, sportive, super teknologjike, me tapiceri të errët lëkure dhe me shenjën e mollës gjysmë të kafshuar në kofano. Kjo ishte një ndër ëndrrat e parealizuara të themeluesit të kompanisë Apple, Steve Jobs.

Lajmi u bë i ditur nga Mickey Drexler, anëtar i këshillit administrues të kompanisë Apple, gjatë punimeve të konferencës “Innovation Uncensored”.

“Shikoni industrinë e makinave në SHBA. Është një tragjedi. Kush i dizenjon këto makina?”- deklaroi Drexler, i cili theksoi se ëndrra e Jobs, përpara se të vdiste ishte projektimi i makinës super teknologjike, iCar.

Sipas përfaqësuesit të Apple, Jobs nuk pati kohë për të zhvilluar më tej projektin e tij.

“Steve ishte i bindur se iCar do të mbulonte rreth 50% të tregut sapo të prezantohej përpara publikut, por sëmundja nuk e lejoi që ta bënte realitet idenë e tij”- deklaroi Drexler.

Për momentin kompania Apple nuk bën të ditur nëse do ta vazhdojë idenë e Jobs për tu futur në industrinë mekanike.

SHKODËR- Artëdashësit shkodranë duartrokitën mbrëmë gjatë aktoren e re shkodrane, Sara Smaja, e cila përmbi një orë përcolli emocione të shumta në skenën e teatrit Migjeni në një interpretim të suksesshëm të monodramës “Klithma”.

“Për mua kjo sot ishte një artiste e vërtetë që e përjetonte, e ndjente shumë realizimin e veprave të saj, gjenitë në këtë realitet që jemi, sot po pëfundojnë kështu”, shprehet regjizorja e shfaqjes, Rigerta Nikolla. “Në një realitet kaq të ashpër, kaq të eger, ku nuk ekziston meritokracia, ai që e meriton me të vërtetë dhe ai që mundohet t’i bëjë gjërat me shpirt, nuk merr atë që duhet”, shton ajo.

“Klithma” është një shfaqje që duhet marrë në konsideratë nga shoqëria shqiptare”, shtoi regjisorja. 

Vetë Sara, personazhi kryesor i kësaj monodrame, shprehet e kënaqur me atë që arriti të përformojë në atë skenë ku prindërit e saj kanë një jetë të tërë që i përcjellin emocione publikut shkodran dhe më gjërë. “Në fakt jam lodhur shumë këto ditë, por fatmirësisht shkoi mirë dhe shoh që publiku doli i kënaqur nga salla. Kjo për mua vlen shumë dhe më nxit që të marr iniciativa të tjera edhe më të guximshme për t’ia përcjellë publikut në skenë”, theksoi aktorja e re e talentuar, Sara Smaja, një nga prurjet më dinjitoze të periudhës së fundit në tempullin e artit shkodran.

TIRANË- Eksportet shqiptare drejt tregut grek në 3 muajt e parë kanë pësuar një rritje të lehtë, pavarësisht krizës që ka përfshirë fqinjin tonë jugor.

Mallrat e eksportuara në 3 muajt e parë të 2012-ës arritën vlerën e 2.66 miliardë lekë, ose 16% më shumë se e njëjta periudhë e vitit të kaluar, duke arritur që pesha e Greqisë në eksporte të rritet me 2 pikë përqindje për të zënë 6% në totalin e eksporteve shqiptare, vëren INSTAT-i.

Në këtë gamë kryesuan eksportet e çimentos drejt tregut grek, ndërsa ato të tekstileve kanë pësuar rënie.

Ndryshe nga prodhuesit shqiptarë të eksporteve, bizneset greke kanë ulur shitjet jashtë vendit. Eksportet greke drejt tregut shqiptar shënuan në 3-mujorin e parë një ulje prej 5.6%, krahasuar me të njëjtën periudhë të vitit të kaluar.

VLORË- Katër të rinj kanë mbetur të plagosur gjatë një aksidenti të ndodhur sot rreth orës 13:00 në Radhimë të Vlorës.

Maturantët udhëtonin me mjetin tip fuoristradë AA 258, ndërsa në ecje e sipër mjeti ka goditur traversën e rrugës.

Ende nuk dihen shkaqet e aksidentit dhe emrat e të plagosurve. Policia e mbërritur në vendngjarje nis hetime