Kujdesi ndaj mëlçisë

Nga Dorjan
Shkruar ne 23 Pri 2012 ora 3:51pm

Mëlçia është një organ i lokalizuar në anën e djathtë të abdomenit (barkut), nën brinjët e poshtëm dhe nën diafragmën e cila ndan kraharorin nga abdomeni. Mëlçia kryen një numër të madh dhe të rëndësishëm të funksioneve në trupin tuaj.

Shumica e ushqimeve që konsumojmë ruhen në mëlçi pasi treten dhe absorbohen nga trakti gastrointestinal. Mëlçia ka një funksion tjetër të rëndësishëm, atë të de-toksikimit ose shkatërrimit të shumë helmeve të rrezikshme. Ajo, jo vetëm që deponon materiet ushqimore, por gjithashtu prodhon lëngun biliar, një lëng në ngjyrë të artë-verdhë që nevojitet për absorbimin e yndyrave nga zorrët.

Një substancë tjetër e rëndësishme që prodhohet në mëlçi është edhe kolesteroli, një pjesë e së cilës kalon në lëngun biliar. Në kushte të caktuara ajo mund të shkaktoj edhe formimin e gurëve në fshikëzën e tëmethit, apo në kanalet e saj.

Ndër shkaktarët që mund të sjellin dëmtimin e mëlçisë janë:

  • Rënia në gjumë në orët e vona apo zgjimi i vonshëm,
  • Mos urinimi në mëngjes,
  • Konsumimi i rritur i alkoolit,
  • Ngrënia e tepruar,
  • Mos ngrënia e mëngjesit,
  • Marrja e tepruar e barërave,
  • Konsumimi i vajit jo të shëndetshëm.

Përdorni sa më pak vaj gjatë përgatitjes së ushqimit; kjo vlen edhe për vajin më të mirë siç është ai i ullirit. Mos konsumoni ushqim të skuqur kur jeni të lodhur. Ushqimi i stërpjekur gjithashtu mund të ndikoj negativisht.

Stili jetësor i shëndosh është gjë shumë e rëndësishme për trupin tonë në mënyrë që të absorboj dhe lirohet nga kimikatet e panevojshme sipas “orarit të funksionimit të mëlçisë”.

Orari i funksionimit të mëlçisë është si më poshtë:

Nga ora 21:00-13:00, është koha për eliminimin e kimikateve të panevojshme toksike (detoksikimi) nga sistemi limfatik (nyjet limfatike). Këtë kohë duhet ta kaloni në qetësi ose duke dëgjuar muzikë. Nëse në këtë kohë personi është ende zgjuar dhe aktiv, duke u socializuar, pirë, apo duke ngrënë ushqim, kjo do të ketë efekt negativ dhe do të zvogëlojë proçesin e detoksikimit.

Në mbrëmje nga ora 23:00 – 01:00 është koha e proçesit të detoksikimit në mëlçi dhe ideale do të ishte që ky proçes të zhvillohej në gjumë të thellë.

Nga ora 01:00-03:00 nis proçesi i detoksikimit të fshikës së tëmthit  dhe do të ishte ideale që kjo gjë të zhvillohej në gjendje të gjumit të thellë.

Ora 03:00-05:00 : Bëhet detoksikimi i mushkërive. Prandaj ndodh që gjatë kësaj kohe të përjetoni kollitje.

Ora 05:00-07:00 : Detoksikimi kryhet në zorrën e trashë.

Ora 07:00-09:00 : Absorbimi i lëndëve ushqyese në zorrën  e hollë, preferohet që mëngjesi të bëhet në këtë kohë. Për personat e sëmurë preferohet koha para orës 6:30 dhe për ata që dëshirojnë të mbesin “në formë” para orës 7:30. Për ata që duan t’i ikin mëngjesit, i këshillojmë ta ndërrojnë këtë zakon ose, së paku të hanë më vonë rreth orës 9:00-10:30, më mirë sesa të mos hanë fare.

Rënia në gjumë në orët e vona apo zgjimi i vonshëm do të çrregullojë proçesin e largimit të kimikateve të panevojshme nga organizmi juaj. Përveç kësaj, koha nga mesnata deri në ora 04:00 të mëngjesit  është koha kur palca kurrizore prodhon gjak.

Prandaj, flini mirë dhe mos flini vonë.