Mjekësi, çokollata e zezë parandalon infarktin

Nga Dinejda
Shkruar ne 04 Qer 2012 ora 6:10pm

SIDNEI- Një studim australian konfirmoi të mirat e konsumimit të rregullt të çokollatës së zezë për parandalimin e infarkteve.

Ky studim i realizuar nga ”Monash University de Melbourne” me 2 013 australianë dhe publikuar në ”British Medical Journal” ka treguar efekte domethënëse nga çokollata me përqendrim të fortë kakaoje.

Konsumi i përditshëm, për një periudhë 10-vjeçare, i 100 gramë çokollate që përmban të paktën 70 për qind kakao do të mundësonte gjithashtu shmangien e 70 aksidenteve kardiake fatale dhe 15 jo fatale në një popullsi prej 10 000 personash.

“Përfundimet tona theksojnë se çokollata e zezë mund të japë një alternativë ose një kompletim të terapisë mjekësore tek personat që shfaqin një rrezik të lartë të sëmundjeve kardiovaskulare”, konfirmoi Ella Zomer.

Çokollata është e pasur me polifenol, antioksidues i fuqishëm natyror që ul stresin dhe redukton rreziqet kardio-vaskulare, tumoret dhe sëmundje të tjera kronike.